پیارے پیارے تھے یہ بچے
پیارے پیارے تھے یہ بچےبات کے پکے دل کے سچے
ان کے سینے پیار کے ساگر
نفرت سے خالی ان کے دل
لڑتے ہیں پھر مل جاتے ہیں
پیار سے پھر اک ہو جاتے ہیں
ان کا پیغام ہے دنیا کو
سب مل جل کر رہنا سیکھو
بچپن سب سے اچھا ہے
یہ بچوں کی نگری ہے
یہ بچوں کی بستی ہے
ان کے بول ہیں میٹھے میٹھے
ان کی باتیں پیاری پیاری
ان کے چہرے نکھرے نکھرے
اس کی صورت بھولی بھالی
ان کے دل ہیں سادے سچے
بچپن سب سے اچھا ہے
یہ انمول ہے سچا ہے
ان کے لبوں پر پیار کے نغمے
ان کی دنیا سب سے نرالی
ان کا جیون سب سے انوکھا
یہ کیا جانیں نسل کے جھگڑے
یہ کیا سمجھیں رنگ کی باتیں
(ڈاکٹر انجمن آرا انجم )
روزنامہ دنیا ایپ انسٹال کریں
