آج کا پکوان:چکن کلب سینڈوچ
اجزا: چکن:400 گرام، کٹی کالی مرچ:ایک ٹی سپون، لہسن ،ادرک :1 ٹی سپون، نمک:1 ٹی سپون، سرخ مرچ :1 ٹی سپون، دہی:2 ٹی سپون، لیمن جوس:1 ٹی سپون، آئل:4 ٹیبل سپون،سینڈوچ کیلئے بریڈ 1پیکٹ، میئونیز:1 کپ، گارلک ساس:1 کپ، کھیرے2 ،ٹماٹر2 ،سلاد کے پتے8، انڈے4، مکھن: آدھا کپ، چیز سلائس:1 پیکٹ۔
ترکیب: چکن میں ادرک لہسن، نمک، کالی مرچ، لال مرچ، دہی اور لیموں جوس ڈال کر اچھی طرح مکس کریں۔اسے 15 منٹ کے لیے رکھ دیں۔پین میں 4 ٹیبل سپون آئل گرم کریں اور چکن ڈال کر بھونیں۔5 ٹیبل سپون پانی ڈال کر ڈھک دیں اور ہلکی آنچ پر 10 منٹ پکائیں۔جب چکن گل جائے تو اسے ٹھنڈا کریں اور شریڈ کر لیں۔اس میں 4 ٹیبل سپون میئونیز مکس کریں۔بریڈ کے کنارے کاٹ دیں۔ہلکا سا مکھن لگا کر پین یا گرل پر سینک لیں۔کھیرے اور ٹماٹر باریک سلائس کریں۔ سلاد کے پتے دھو کر خشک کریں۔انڈے ابال کر سلائس کر لیں۔چیز سلائس تیار رکھیں۔بریڈ پر تہیں اس ترتیب سے لگائیں: بریڈ، چکن میئونیز فلنگ، چیز سلائس، انڈہ، کھیرے اور ٹماٹر، سلاد پتے، گارلک ساس یا میئونیز، دوسری بریڈ۔سینڈوچ کو ہلکا سا پریس کریں اور گرل پین میں دونوں طرف سے ہلکا سا سینک لیں پھر سرو کریں۔
کدو کا حلوہ
اجزا: کدو : آدھاکلو، دودھ : ایک کپ،گھی: چوتھائی کپ،چینی ـ: ایک کپ یا حسب ذائقہ، الائچی پاؤڈر :چوتھائی چائے کا چمچ،کھویا : ایک کپ، کاجو : 8 ، 10 عدد، پستہ : 8 ، 10عدد، بادام: 8 ، 10 عدد،کشمش : 8 ، 10 عدد۔
ترکیب:چھوٹے فرائی پین میں گھی، بادام، کاجو، پستہ اور کشمش ڈال کر مکس کریں اورہلکی سنہری ہونے تک فرائی کرلیں ۔کدو کو دھو کر چھیل لیں اور بیچ میں سے کاٹ ک بیج نکال لیں پھر گرائنڈر سے پیس لیں۔ کڑاہی میں کدو ڈال کر دو منٹ کے لیے پکا ئیں۔ پھر اس میں دودھ ڈال کر اچھی طرح مکس کریں اور ڈھک کر 6 سے 8 منٹ تک ہلکی آنچ پر پکائیں . پھر تیز آنچ پر دودھ سوکھ جانے تک پکائیں اور اس دوران چمچ مسلسل چلاتے رہیں۔ اس کے بعد گھی ڈال کر اچھی طرح مکس کریں۔چینی شامل کریں اور اچھی طرح مکس کر کے ہلکی درمیانی آنچ پر دوسے تین منٹ کے لیے پکا ئیں اور اس دوران چمچ چلاتے رہیں۔ فرائی ہوئے میوہ جات ڈال کر مکس کریں اور گھی الگ ہونے تک پکالیں ۔گھی الگ ہو جانے پر کھویا اور لائچی پاؤڈر ڈال کر اچھی طرح مکس کرلیں۔
