ذرا مسکرائیے
ماں نے دیکھا کہ بیٹا بلب زور زور سے اپنے سر پر رگڑ رہا ہے۔
کیا کر رہے ہوبیٹے؟ماں نے حیران ہو کر پوچھا۔
دماغ کو روشن کر رہا ہوں امی جان، بیٹے نے جواب دیا۔
٭٭٭
ایک دوست (دوسرے سے) : دیکھو! میری چائے میں ایک مکھی ہے۔
دوسرا دوست:یار! دل چھوٹا نہ کرو، ایک مکھی کتنی چائے پی لے گی؟۔
٭٭٭
جعفر: (عمران سے) تم پان اتنا مت کھایا کرو۔ کیا تم کو پتہ ہے کل اخبار میں لکھا تھا کہ پان کھانے والے کو منہ کا کینسر ہونے کا خدشہ ہے۔
عمران : اچھا تو آج سے خریدنا بند۔
جعفر: کیا پان؟
عمران: نہیں اخبار
٭٭٭
لڑکا کمرہ امتحان میں بیٹھابڑی دیر سے سوالیہ پرچے کو دیکھ رہا تھا۔نگران نے ہمدردی سے پوچھا:کیا سوال سمجھ نہیں آ رہا؟
امیدوار نے جواب دیا: پرچہ تو مشکل نہیں ہے جی، بس میں سوچ رہا ہوں کہ اس سوال کا جواب کونسی جیب میں ہے۔
٭٭٭
تھانیدار(کسان سے ): کیا تمہارے گائوں میں آگ لگ گئی تھی؟
کسان: جی حضور، سارا گائوں جل کر راکھ ہو گیا۔
تھانیدار: کچھ بچا بھی؟
کسان: صرف آگ بجھانے والی موٹر بچی، وہ دیر سے آئی تھی۔
٭٭٭
