کچے انڈوں پر جمپ لگانے کا نیا عالمی ریکارڈ
بیجنگ(نیٹ نیوز)چینی شخص نے کچے انڈوں پر سب سے زیادہ جمپ لگا کر نیا عالمی ریکارڈ بنا دیا۔میڈیا رپورٹس کے مطابق گنیز ورلڈ ریکارڈز نے ایک بار پھر حیرت انگیز کارنامے کو تسلیم کر لیا ہے ۔
اس بار ایک چینی شخص نے کچے انڈوں پر جمپ لگا کر دنیا کو دنگ کر دیا۔گنیز ورلڈ ریکارڈز کے آفیشل انسٹاگرام اکاؤنٹ پر شیئر کی گئی ویڈیو میں دکھایا گیا ہے کہ لان گوانگ پنگ نامی شخص نے کچے انڈوں پر کھڑے ہو کر جمپ لگانے کا چیلنج قبول کیا۔ حیران کن طور پر انہوں نے ایک منٹ کے اندر 5 کچے انڈوں پر جمپ لگائی اور ایک بھی انڈا نہ ٹوٹا۔میڈیا رپورٹس کے مطابق اس سے قبل 2018ء میں بھی لان گوانگ پنگ نے 4 کچے انڈوں پر جمپ لگا کر عالمی ریکارڈ قائم کیا تھا، اس بار انہوں نے اپنے ہی ریکارڈ کو توڑتے ہوئے 5 انڈوں پر جمپ لگانے کا نیا عالمی ریکارڈ قائم کر دیا۔
روزنامہ دنیا ایپ انسٹال کریں
