سی پی او کی تھانہ کینٹ میں کھلی کچہری مسائل کے حل کیلئے احکامات
ملتان (کرائم رپورٹر)سی پی او ملتان صادق علی ڈوگر کی جانب سے شہریوں کے مسائل ان کی دہلیز پر حل کرنے کے لیے تھانہ کینٹ میں کھلی کچہری کا انعقاد کیا گیا۔۔
ایس پی کینٹ کائنات اظہر،اے ایس پی کینٹ ہلار خان چانڈیو، کینٹ سرکل کے ایس ایچ اوز اور تفتیشی افسران کھلی کچہری میں ان کے ہمراہ تھے .سی پی او ملتان نے کھلی کچہری میں آئے شہریوں کے مسائل سنے اور میرٹ پر حل کے لیے موقع پر احکامات جاری کیے ۔انہوں نے متعلقہ پولیس افسران کو احکامات جاری کیے کہ سائلین کی شکایات کا ازالہ کر کے رپورٹ پیش کریں۔سی پی او ملتان نے متعلقہ پولیس افسران کو ہدایات جاری کیں کہ شہریوں کی شکایات و مسائل حل کرنے پر توجہ دیں اور قانون کی روشنی و میرٹ پر ان کی شکایات کا فوری ازالہ کیا جائے ۔
روزنامہ دنیا ایپ انسٹال کریں
