حیدر آباد میں بھی سفاک شخص نے گدھے کی ٹانگ توڑ دی، ملزم گرفتار
حیدرآباد:(دنیا نیوز) سانگھڑ کے بعد حیدر آباد میں بھی سفاک شخص نے تشدد کرکے گدھے کی ٹانگ توڑدی، ملزم گرفتار کرکے مقدمہ درج کرلیا گیا ۔
پولیس کے مطابق ملزم خود بھی گدھا گاڑی چلاتا ہے،گزشتہ روز ملزم نے ایک دوسری گاڑی کےگدھے پر تشدد کرکے اس کی ٹانگ توڑ دی تھی، ملزم کا گدھا اور سڑک پر موجود دوسری گاڑی کا گدھا لڑ پڑے تھے۔
پولیس کا مزید کہنا تھا کہ گدھوں کی لڑائی پر ملزم نے دوسری گاڑی کےگدھے پرڈنڈے برسا دیئے جس سے گدھے کی ٹانگ ٹوٹ گئی۔
