Published on:24 December, 2025
ماسکو: (شاہد گھمن) جنوبی ماسکو کے یلیٹسکایا اسٹریٹ پر دو ٹریفک پولیس اہلکار ایک مشتبہ شخص کو روکنے کے دوران دھماکے سے ہلاک ہو گئے، روسی انویسٹیگیٹو کمیٹی کے مطابق دھماکے میں مشتبہ شخص بھی ہلاک ہو گیا۔
صبح سویرے پولیس اہلکار اپنی گشت کی گاڑی کے قریب ایک مشتبہ شخص کو دیکھتے ہیں، جیسے ہی وہ اسے روکنے کے قریب پہنچے تو ایک زوردار دھماکہ ہوا، دھماکے میں تین افراد ہلاک ہوئے، جن میں دونوں پولیس اہلکار شامل ہیں۔
واقعہ کے خلاف ایک فوجداری تحقیق شروع کر دی گئی ہے، تفتیش کار فرانزک ٹیسٹ، بشمول ڈی این اے، میڈیکل اور دھماکہ خیز مواد کے معائنے کے لیے تیاریاں کر رہے ہیں، ماسکو کے پراسیکیوٹر آفس واقعے کی تفتیش کی نگرانی کر رہا ہے۔
روسی وزارت داخلہ کے ماسکو شعبے نے بتایا کہ متاثرہ اہلکاروں کے اہل خانہ کو تمام ضروری امداد فراہم کی جائے گی۔
یہ واقعہ ماسکو میں عوامی سلامتی کے حوالے سے تشویش کا باعث بنا ہے، اور تفتیش کار دھماکے کے اصل اسباب معلوم کرنے کے لیے کام کر رہے ہیں، اس واقع کے بعد شہر میں سیکیورٹی کو مزید سخت کردیا گیا ہے.
روزنامہ دنیا ایپ انسٹال کریں
سے اہم مضامین پڑھیئے 
