پاکستان نے پانچویں بار ورلڈ یوتھ سکریبل چیمپئن شپ جیت لی
کولمبو: (دنیا نیوز) سکریبل کے کھیل میں پاکستان کا بڑا کارنامہ، پانچویں بار ورلڈ یوتھ سکریبل چیمپئن شپ جیت لی۔
سری لنکا میں ہونیوالی ولرڈ یوتھ سکریبل چیمپئن شپ میں پاکستان کے 16 سالہ عفان سلمان چیمپئن شپ کے دوران 23میں سے 19 گیمز میں کامیابی حاصل کی۔
ایونٹ کے آخری روز اتوار کو سات راؤنڈز ہوئے جس کے اختتام پر نئے یوتھ اسکریبل ورلڈ چیمپئن کا فیصلہ ہوا، چیمپیئن شپ میں 138 پلیئرز نے حصہ لیا تھا۔
واضح رہے کہ پاکستان 5مرتبہ ورلڈ یوتھ سکریبل چیمپیئن شپ جیتنے والا دنیا کا پہلا ملک ہے۔
