افغانستان دوست برادر ملک، فضائی حملوں کا ہدف ٹی پی پی خوارج تھے
اسلام آباد: (دنیا نیوز) افغانستان ایک دوست برادر ملک ہے، فضائی حملوں کا ہدف ٹی پی پی خوارج تھے۔
پاکستان افغانستان کے ساتھ دوستانہ تعلقات کا خواہاں ہے اور اس نے افغان عوام یا فورسز کو نشانہ نہیں بنایا، تاہم پاکستان آئی اے جی سے توقع رکھتا ہے کہ وہ پاکستان کی نیک نیتی کا جواب دے گا اور ٹی ٹی پی خوارجیوں کے خلاف کارروائی کرنے کے پاکستان کے طویل المدتی مطالبے کو پورا کرے گا۔
پاکستان نے سرحدی علاقوں میں خود دفاع میں ٹی ٹی پی فتنہ الخوارج کو نشانہ بنایا کیونکہ ان کی دہشت گردانہ سرگرمیاں بڑھ رہی ہیں، مارے گئے افراد ٹی ٹی پی خوارجی تھے جو حال ہی میں ٹی ٹی پی کے حملے میں شہادت پانے والے 16 پاکستانی سپاہیوں کی شہادت کا جشن منا رہے تھے۔
پاکستان کی فوجی کارروائیاں ٹی ٹی پی خوارجیوں سے بڑھتے ہوئے خطرے کا براہ راست ردعمل تھیں، جو مسلسل پاکستانی شہریوں اور سکیورٹی فورسز کے خلاف تشدد کی کارروائیوں میں ملوث ہیں، یہ فضائی حملے افغان عوام یا ان کی فورسز کے خلاف نہیں تھے۔
فضائی حملے ان دہشت گردوں کو نشانہ بنانے پر مرکوز تھے جو ایک بین الاقوامی خطرے کا حصہ ہیں اور پاکستان اور افغانستان دونوں کو عدم استحکام کا شکار کر رہے ہیں۔
