نامور کلاسیکل موسیقار استاد چھوٹے غلام علی خان کی 38 ویں برسی
لاہور: (دنیا نیوز) نامور کلاسیکل موسیقار اور گلوکار استاد چھوٹے غلام علی خان کی 38 ویں برسی منائی گئی۔
1910ء کو قصور کے موسیقار گھرانے میں پیدا ہونے والے استاد چھوٹے غلام علی خان نے موسیقی کی ابتدائی تربیت اپنے والد میاں امام بخش سے حاصل کی، انہیں دھرپد انداز گائیکی پر ملکہ حاصل تھا، خیال، ترانہ، ٹھمری، دادرا اور غزل، سبھی کو یکساں مہارت سے گاتے تھے۔
استاد چھوٹے غلام علی خان ایک عرصہ تک لاہور آرٹس کونسل میں موسیقی کی تربیت کیلئے قائم اکیڈمی سے وابستہ رہے، 1985ء میں انہیں صدارتی تمغہ برائے حسنِ کارکردگی سے نوازا گیا
نامور موسیقار چھوٹے غلام علی خان کے شاگردوں میں شاہدہ پروین، بدرالزماں، قمر الزماں کے نام نمایاں ہیں۔
استاد چھوٹے غلام علی خان 29 دسمبر 1986 کو خالقِ حقیقی سے جا ملے اور لاہور کے میانی صاحب قبرستان میں آسودہ خاک ہیں۔
