خواجہ اظہار الحسن کراچی ہاکی ایسوسی ایشن کے بلا مقابلہ صدر منتخب
کراچی : (دنیا نیوز) سابق رکن قومی اسمبلی خواجہ اظہار الحسن کراچی ہاکی ایسوسی ایشن کے بلا مقابلہ صدر منتخب ہو گئے۔
اگلی چار سالہ مدت کیلئے کراچی ہاکی ایسوسی ایشن کے انتخابات ہفتے کے روز عبدالستار ایدھی ہاکی اسٹیڈیم میں منعقد ہوئے ، انتخابات میں گیارہ آفس بیئررز اور 14 مجلس عاملہ کے ارکان کو متفقہ رائے سے منتخب کرلیا گیا ۔
سابق رکن قومی اسمبلی خواجہ اظہار الحسن کو بلا مقابلہ چیئرمین، سابق انٹرنیشنل کھلاڑی ابوذر امراؤ کو جنرل سیکرٹری اور طارق خان کو خزانچی منتخب کرلیا گیا، لطافت حسین شاہ کا سینئر نائب صدر کے عہدے پر انتخاب کیا گیا ہے۔
کامران اشرف ، قمر ابراہیم ، فاروق خان اور جان محمد کو نائب صدر منتخب کیا گیا جبکہ ارشاد حیدر ، سمیر حسین اور کاشف جواد جوائنٹ سیکرٹری منتخب ہوئے۔
مجلس عاملہ کیلئے عظمت پاشا ، محمد علی جعفری ، جنید اسلم ، محمد آصف خان ، عاصم عباسی ، انیس قیانی، ضیاء الاسلام ، فرحان قادر، ڈاکٹر ثمر ، اشتیاق مبین ، کامران نسیم ، محمد سلیم ، سید اسد ظہیر اور شاہد پرویز کا چناؤ عمل میں آیا ۔
سات ممبران کو کراچی سے پاکستان ہاکی فیڈریشن کا نمائندہ بھی منتخب کیا گیا ہے، لطافت حسین شاہ، جان محمد ، قمر ابراہیم ، فاروق خان، ابوذر امراؤ، محمد آصف خان اور عظمت پاشا نمائندگان ہوں گے۔
انتخابات اولمپئن محمد انیس ، اولمپئن ناصر احمد ، سرفراز احمد اور نوید صدیقی پر مشتمل چار رکنی کمیٹی کی نگرانی میں منعقد ہوئے، خواجہ اظہار الحسن پریس کانفرنس میں کے ایچ اے کی نو منتخب باڈی کا اعلان کرینگے۔
