جماعت اسلامی کا اسلام آباد میں غزہ ملین مارچ آج ہو گا
اسلام آباد: (دنیا نیوز) جماعت اسلامی پاکستان کا اسلام آباد میں غزہ ملین مارچ آج ہوگا۔
سیکرٹری اطلاعات جماعت اسلامی قیصر شریف کی جانب سے جاری بیان کے مطابق غزہ ملین مارچ کی تیاریاں مکمل کر لی گئی ہیں، اسلام آباد کے تاریخی غزہ ملین میں خواتین، بچے بھی شریک ہوں گے، امیر جماعت اسلامی پاکستان حافظ نعیم الرحمان غزہ ملین مارچ کی قیادت کریں گے۔
امیر جماعت اسلامی پاکستان آئندہ کا لائحہ عمل دیں گے، حافظ نعیم الرحمان سہ پہر 4 بجے غزہ ملین مارچ سے خطاب کریں گے۔
قیصر شریف کا کہنا تھا کہ پاکستانی قوم اہل غزہ کے مصائب، پریشانیوں میں ان کے ساتھ کھڑی ہے۔
