ورلڈ ٹیسٹ چیمپئن شپ فائنل، آسٹریلیا کی جنوبی افریقا کیخلاف بیٹنگ جاری
لارڈز: (دنیا نیوز) ورلڈ ٹیسٹ چیمپئن شپ کے فائنل کی پہلی اننگز میں آسٹریلیا کی جنوبی افریقا کیخلاف بیٹنگ جاری ہے۔
لارڈز کے میدان میں ہونے والے ٹیسٹ چیمپئن شپ کے فائنل کا ٹاس جنوبی افریقہ کے کپتان ٹمبا باؤما نے جیت کر پہلے فیلڈنگ کا فیصلہ کیا۔
آسٹریلیا کی جانب سے عثمان خواجہ اور مارنس لبوشین نے اننگز کا آغاز کیا تاہم خواجہ کھاتہ کھولے بغیر ہی پویلین واپس لوٹ گئے جب کہ لبوشین 17 رنز بناکر آؤٹ ہوئے۔
تیسرے نمبر پر آنے والے کیمرون گرین 4 رنز کے مہمان ثابت ہوئے اور ٹرویس ہیڈ 11 رنز بنانے کے بعد پویلین واپس لوٹ گئے۔
جنوبی افریقہ کی جانب سے کگیسو ربادا اور مارکو جانسن نے 2،2 وکٹیں حاصل کیں۔
واضح رہے کہ جنوبی افریقہ کے پاس آئی سی سی ٹیسٹ چیمپئن شپ جیت کر تاریخ رقم کرنے کا سنہری موقع ہے۔
ورلڈٹیسٹ چیمپئن شپ کے پچھلے ایڈیشن کا فائنل اوول کرکٹ گراؤنڈ میں کھیلا گیا تھا جس میں بھارت کو شکست دیکر آسٹریلیا چیمپئن بنی تھی اور اس بار وہ جنوبی افریقہ کو شکست دیکر مسلسل 2 ٹائٹل جیت کر تاریخ رقم کرسکتی ہے۔
جنوبی افریقی سکواڈ
جنوبی افریقی سکواڈ میں کپتان ٹیمبا باووما، ایڈن مارکرم، ریان رکلیٹن، ویان مولڈر، ٹرسٹن سٹبس، ڈیوڈ بیڈنگھم، کائل ویرین، مارکو جینسن، کیشو مہاراج، کگیسو ربادا اور لونگی نگیدی شامل ہیں۔
آسٹریلوی ٹیم
آسٹریلوی ٹیم کپتان پیٹ کمنز، عثمان خواجہ، مارونس لبوشین، کیمرون گرین، سٹیو سمتھ، ٹریوس ہیڈ، بیو ویبسٹر، ایلکس کیری، مچل سٹارک، نیتھن لائن اور جوش ہیزل ووڈ پر مشتمل ہے۔
