امریکی امیگریشن حکام کی فائرنگ سے خاتون کی ہلاکت، منیاپولس میں حالات کشیدہ
منیاپولس: (دنیا نیوز) امریکی ریاست منی سوٹا میں امیگریشن حکام کی فائرنگ سے خاتون کی ہلاکت کے بعد منیاپولس شہر میں حالات کشیدہ ہوگئے۔
واقعے کے بعد شہریوں کی بڑی تعداد سڑکوں پر نکل آئی، ہاتھوں میں پلے کارڈز اٹھائے شہریوں نے صدر ٹرمپ کی پالیسیوں کو عوام کی سلامتی کیلئے خطرہ قرار دے دیا۔
یہ بھی پڑھیں: امریکی امیگریشن حکام نے چھاپے کے دوران خاتون کو گولی مار کر ہلاک کر دیا
منیا پولس واقعے میں ہلاک خاتون کی شناخت 37 سالہ رینی نیکول کے نام سے ہوئی ہے، مئیر منیا پولس نے واقعے کی مذمت کرتے ہوئے کہا کہ آئی سی ای افسر نے لاپرواہی کا مظاہرہ کرتے ہوئے خاتون کی جان لے لی۔
یہ بھی پڑھیں: منیاپولس واقعہ، ظہران ممدانی اور کانگریس ویمن الہان عمر کی شدید مذمت
دوسری جانب امریکی صدر ڈونلڈ ٹرمپ نے واقعے پر رد عمل دیتے ہوئے کہا کہ آئی سی ای افسر کی فائرنگ بظاہر دفاعِ میں تھی، خاتون نے افسر کو گاڑی سے کچلا، خاتون بدنظمی، مزاحمت اور رکاوٹ ڈال رہی تھی اور آئی سی ای افسر نے خود کو بچانے کیلئے فائرنگ کی۔
