آئندہ 24 گھنٹے کے دوران موسم کیسا رہے گا؟ محکمہ موسمیات نے پیش گوئی کر دی
اسلام آباد: (دنیا نیوز) محکمہ موسمیات نے آئندہ 24 گھنٹے کے دوران موسم بارے پیش گوئی کر دی۔
رپورٹ کے مطابق کل ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہنے کا امکان ہے۔
محکمہ موسمیات کے مطابق پنجاب، بالائی سندھ اور خیبرپختونخوا کے میدانی علاقوں میں درمیانی سے شدید دھند چھا ئےرہنے کا امکان ہے، خطہ پوٹھوہار اور کشمیر میں صبح کے اوقات میں چند مقامات پر کہرا پڑنے کا امکان ہے۔
رپورٹ کے مطابق ملک کے بیشتر علاقوں میں موسم سرد اور خشک جبکہ بالائی علاقوں میں شدید سرد رہا۔
اس دوران تربت میں 01ملی میٹر بارش ہوئی.پنجاب، بالائی سندھ اور خیبر پختونحوا کے میدانی اضلاع کے بیشتر اضلاع میں درمیانی سے شدید دھند چھائی رہی۔
رپورٹ کے مطابق آج کم سے کم درجہ حرارت لہہ منفی 14، سکردو منفی 13، استور، گوپس منفی 10، ہنزہ، گلگت منفی08 ، قلات، بگروٹ منفی 06 اوردیر میں منفی 05 ڈگری سینٹی گریڈ ریکارڈ کیا گیا۔
محکمہ موسمیات کے مطابق اسلام آباد میں کم سے کم درجہ حرارت صفر، کوئٹہ میں منفی 3، مری منفی 1، لاہور 3، کراچی 9، پشاور 1 اور مظفر آباد میں 3 ڈگری سینٹی گریڈ ریکارڈ کیا گیا۔
