وزیر خارجہ سے قطری ہم منصب کا رابطہ، علاقائی و عالمی امور پر گفتگو
اسلام آباد: (دنیا نیوز) نائب وزیراعظم و وزیر خارجہ اسحاق ڈار سے قطری وزیر خارجہ ڈاکٹر محمد بن عبدالعزیز الخلیفی نے رابطہ کیا جس میں علاقائی اور بین الاقوامی امور پر تبادلہ خیال کیا گیا۔
ترجمان دفترخارجہ کے مطابق قطر کے وزیر مملکت برائے امور خارجہ ڈاکٹر محمد بن عبدالعزیز الخلیفی نے وزیراعظم شہبازشریف کے دورہ قطر کو سراہا۔
بیان میں کہا گیا کہ قطری وزیر خارجہ نے دوطرفہ تعلقات کو نئی بلندیوں تک لے جانے کیلئے اپنی قیادت کی خواہش کا اظہار کیا، اسحاق ڈار نے قطری وزیر خارجہ کا تعلقات بڑھانے کی خواہش کا گرم جوشی سے جواب دیا اور وزیر اعظم شہباز شریف اور ان کے وفد کی مہمان نوازی پر قطر کا شکریہ ادا کیا۔
— Ministry of Foreign Affairs - Pakistan (@ForeignOfficePk) February 26, 2026
انہوں نے بتایا کہ دونوں رہنماؤں نے دو طرفہ تعلقات اور باہمی دلچسپی کے علاقائی اور بین الاقوامی امور پر تبادلہ خیال کیا، انہوں نے پاکستان اور قطر کے درمیان برادرانہ تعلقات کو مزید مضبوط بنانے کے عزم کا اعادہ بھی کیا۔
