اولمپئن ارشد ندیم ری ہیب میں مصروف ، سوئمنگ شروع کردی
لاہور: (ویب ڈیسک ) اولمپئن جیولین تھرور ارشد ندیم نے سوئمنگ شروع کردی۔
میڈیا رپورٹ کے مطابق اولمپئن ارشد ندیم کا کہنا ہے کہ وہ رو زانہ 2 گھنٹے سپورٹس بورڈ پنجاب کے پول میں سوئمنگ اور مختلف پول ایکسرسائزز کرتے ہیں، سوئمنگ اور پول ایکسرسائز سے انہیں کافی فائدہ ہورہا ہے اور اب ٹانگ میں کوئی تکلیف نہیں جبکہ اب انہوں نے تھرو بھی شروع کردی ہے۔
ارشد ندیم ان دنوں ری ہیب میں مصروف ہیں اور تیزی سے مکمل فٹنس حاصل کر رہے ہیں، پیرس اولمپکس سے قبل 7 جولائی کو ڈائمنڈ لیگ پیرس ان کا ہدف ہے۔
یاد رہے کہ ارشد ندیم فن لینڈ کے ایونٹس کیلئے لاہور کی سخت گرمی میں ٹریننگ کررہے تھے کہ اس دوران 2ہفتے قبل ٹانگ کی تکلیف کا شکار ہوگئے تھے جس کی وجہ سے وہ فن لینڈ کے ایونٹس میں شریک نہیں ہوسکے۔
