عالمی سنوکر چیمپئن: محمد سجاد امریکی حریف سے شکست کھانے کے بعد ایونٹ سے باہر
دوحہ :(دنیا نیوز) پاکستان کے محمد سجاد سنوکر کی عالمی چیمپئن شپ میں امریکی حریف سے شکست کے بعد ٹورنامنٹ سے باہر ہوگئے۔
قطر کے دارالحکومت دوحہ میں جاری آئی بی ایس ایف ورلڈ سنوکر چیمپئن شپ میں پاکستان کے محمد سجاد جو براہ راست راؤنڈ 32 میں شامل کیے گئے تھے۔
سٹیج ون کے دوسرے ایونٹ میں امریکا کے اینڈی مک کلوسکی کے ہاتھوں چار، دو سے ناکام ہو گئے، مک کلوسکی کی جیت کا فریم سکور ان کے حق میں 41-71، 80-1، 11-45، 11-71، 79-40 اور 35-73 رہا۔
قبل ازیں محمد سجاد نے سٹیج ون کے دوسرے ایونٹ میں یو اے ای کے عبداللہ ال عطار کیخلاف چار، صفر فریم سے کامیابی حاصل کر لی تھی۔
