پینٹاگون کا دہشتگرد حملوں میں پاکستانی فوجی جوانوں کی شہادت پر افسوس کا اظہار
واشنگٹن: (دنیا نیوز) امریکا کے دفاعی ادارے پینٹاگون نے پاکستان میں دہشتگرد حملوں میں فوجی جوانوں کی شہادتوں پر افسوس کا اظہار کیا ہے۔
اپنے ایک بیان میں پینٹاگون کے ترجمان جنرل پیٹرک رائیڈر نے بنوں اور ڈی آئی خان میں حملوں میں فوجی جونواں کی شہادت پر افسوس کا اظہار کرتے ہوئے کہا ہے کہ لواحقین سے ہمدردی کا اظہار کرتا ہوں، پاکستان کو خطے میں دہشتگردی کیخلاف بڑی جنگ کا سامنا ہے۔
یہ بھی پڑھیں: بنوں چھاؤنی پر دہشتگردوں کا حملہ، 8 فوجی جوان شہید، 10 حملہ آور ہلاک
جنرل پیٹرک رائیڈر نے کہا ہے کہ انسداد دہشتگردی کیلئے امریکا اور پاکستان ماضی میں بھی کام کر چکے ہیں، ایسے طریقوں پر بات کرتے رہتے ہیں جن سے ہم مل کر کام کر سکتے ہیں۔
یہ بھی پڑھیں: ڈی آئی خان میں مرکز صحت پر حملہ، 5 افراد، 2جوان شہید، 3 دہشت گرد جہنم واصل
پاکستان کو جدید امریکی ہتھیار فراہم کرنے کے سوال پر ترجمان پینٹاگون کا کہنا تھا کہ ان کے پاس اعلان کرنے کو کچھ نہیں، پاکستان کیساتھ سکیورٹی تعاون کے تعلقات برقرار ہیں۔
