واٹس ایپ کی جانب سے سٹیٹس شیئر کرنے کے فیچر میں بہتری
نیویارک: (ویب ڈیسک) واٹس ایپ کی جانب سے سٹوری یا سٹیٹس شیئر کرنے کے فیچر کو بہتر کر دیا گیا۔
نئی اپڈیٹس کے بعد اب صارفین کو دوسرے افراد کی سٹوریز یا سٹیٹس فیس بک سٹوریز کی طرح واضح نظر آئیں گی۔
نئے فیچر کے تحت صارفین اپڈیٹس کی ٹیب پر جانے کے بعد جیسے ہی سٹوریز پر جائیں گے تو انہیں واٹس ایپ سٹیٹس فیس بک سٹوریز کی طرح دکھائی دیں گی۔
پہلے واٹس ایپ سٹیٹس گول دائرے میں نظر آتی تھیں اور یہ واضح نہیں ہوتا تھا کہ صارف نے کیا سٹوری شیئر کی ہے، تاہم نئی اپڈیٹس کے بعد سٹیٹس کا واضح عندیہ ملتا ہے کہ صارف نے کس طرح کا کیا سٹیٹس شیئر کیا ہے۔
واٹس ایپ اسٹوریز یا سٹیٹس میں بہتری کا فیچر فوری طور پر تمام صارفین کے پاس کام نہیں کر رہا، تاہم ترتیب وار اس پر سب کو رسائی دی جائے گی۔
جن صارفین کو سٹیٹس یا سٹوری کے بہتر انداز تک رسائی دی جا چکی ہے، انہوں نے نئے انداز کو سراہتے ہوئے کہا ہے کہ اب نہ صرف سٹوری شیئر کرنے والے کی پروفائل تصویر نظر آتی ہے بلکہ اس کی جانب سے شیئر کردہ سٹوری کا عکس بھی دکھائی دیتا ہے۔
