حماس کا اسرائیلی فوجی قافلے پر حملہ، 8 صیہونی جہنم واصل، متعدد زخمی
تل ابیب: (دنیا نیوز) حماس کے جنگجوؤں نے اسرائیلی فوجی گاڑی پر حملے کر کے 8 صیہونی فوجیوں کو جہنم واصل کر دیا جبکہ متعدد زخمی ہو گئے ہیں۔
غیرملکی میڈیا رپورٹس کے مطابق حماس کی جنگجوؤں کی جانب سے اسرائیلی فوجی قافلے پر حملہ جنوبی غزہ میں کیا گیا، اسرائیلی فوجی گاڑی کو تال السلطان کے علاقے میں راکٹ سے نشانہ بنایا گیا، حملے میں اسرائیلی گاڑی مکمل تباہ ہو گئی۔
یہ بھی پڑھیں: غزہ: اسرائیلی فوج کی بمباری ، 24 گھنٹوں میں مزید 34 فلسطینی شہید
اسرائیلی فوجی گاڑی پر حملے کے نتیجے میں 8 اسرائیلی فوجی موقع پر ہلاک جبکہ متعدد زخمی ہو گئے ہیں، غزہ میں 27 اکتوبر سے اب تک ہلاک ہونے والے فوجیوں کی مجموعی تعداد 307 ہو گئی۔
حماس کے حملے کی تصدیق کرتے ہوئے اسرائیلی فوج کے ترجمان ڈینیل ہاگری نے نیوز کانفرنس میں بتایا ہے کہ حملے کی تحقیقات ہو گی کہ کیسے فوجی گاڑی نشانہ بنی، حملے کے فوری بعد ریسکیو کیلئے پہنچنے والی گاڑی کو بھی نشانہ بنایا گیا۔
