کولمبیا: بس کھائی میں گرنے سے 13 سیاح ہلاک، 28 زخمی
بگوٹہ: (ویب ڈیسک) جنوب مغربی کولمبیا ہائی وے پر سیاحوں کی بس 160 فٹ گہری کھائی میں گرنے سے 13 ہلاک جبکہ 28 زخمی ہو گئے۔
غیر ملکی میڈیا رپورٹس کے مطابق بس کو حادثہ پین امریکن ہائی وے پر پیش آیا، بس کیلی شہر سے ایکواڈور سرحد کی جانب جارہی تھی، حادثے میں زخمی ہونے والے سیاحوں کو طبی امداد کیلئے قریبی ہسپتال منتقل کردیا گیا۔
کولمبیا کی ٹریفک پولیس حادثے کا شکار ہونے والی بس کے 42 مسافروں کی تفصیلات اکٹھی کرنے میں مصروف ہے۔
کولمبیئن وزیرِ ٹرانسپورٹ ماریا کونسٹانزا گارشیا نے مرنے والوں کے لواحقین سے ہمدردی کا اظہار کیا ہے۔
