جینیفر لوپیز کو طلاق کے بعد دوبارہ محبت کی تلاش
لاس اینجلس(شوبز ڈیسک) معروف ہالی وڈ گلوکارہ اور اداکارہ جینیفر لوپیز طلاق کے بعد ایک بار پھر ڈیٹنگ شروع کرنے کے لیے تیار ہیں۔۔۔
اور وہ محبت کی تلاش میں مایوس نہیں ہوئیں، ان کے دوستوں نے انہیں دوبارہ ڈیٹنگ کا مشورہ دیا ہے اور وہ کسی نئے شخص سے ملنے کے لیے تیار ہیں۔دلچسپ بات یہ ہے کہ جینیفر لوپیز اس بار صرف مشہور شخصیات تک محدود نہیں رہنا چاہتیں۔ ذرائع کے مطابق وہ اس بار کسی ایسے شخص کو ڈیٹ کرنے پر غور کر رہی ہیں جو میڈیا اور شہرت کی دنیا سے باہر ہو، لیکن وہ خود کو کسی ایک مخصوص قسم کے فرد تک محدود نہیں رکھ رہیں۔واضح رہے کہ جینیفر لوپیز کے اداکار بین ایفلیک سے 6 جنوری کو طلاق کے معاملات طے ہوئے اور 21 فروری کو لاس اینجلس کاؤنٹی سپیریئر کورٹ نے ان کی شادی ختم ہونے کا سرکاری اعلان کر دیا، بین ایفلیک اور جینیفر لوپیز نے جولائی 2022ء میں لاس ویگاس میں شادی کی تھی ۔
