رمضان کے پکوان و مشروبات
رمضان المبارک کا بابرکت مہینہ چل رہا ہے، اس ماہ مبارک کے دوران جہاں متوازن غذا لینا بہت ضروری ہے وہیں خود کو ہائیڈریٹ رکھنا بھی اشد ضروری ہے۔ ان دونوں باتوں کا خیال رکھ کر آپ دن بھر خود کو توانا اور متحرک رکھ سکتے ہیں۔جسم میں پانی کی کمی نہ ہواس لئے سحر و افطار میں مشروبات کا استعمال ضروری ہے۔ ذیل میں ہم آپ کیلئے رمضان کے خصوصی پکوان اور مزیدار مشروبات کے بارے میں بتائیں گے جو دن بھر کے روزے کے بعد آپ کو تروتازہ اور متحرک رکھیں گے۔
اجزاء: گائے کے گوشت کا قیمہ آدھا کلو،پیاز کٹی ہوئی دو عدد، لہسن 10پھانکیں، ہری مرچیں4عدد، ادرک آدھی انچ، الائچی 4عدد، کالی مرچ، زیرہ ، ہلدی پائوڈر اور دھنیا پائوڈر 1/2، 1/2چمچ، نمک حسب ذائقہ، میدہ تین کپ، گھی دو چمچ، لال مرچ ایک چمچ اور کوکنگ آئل۔
ترکیب: سب سے پہلے قیمے کو دھو کر ایک کپ گرم پانی میں ملائیں اور درمیانی آنچ پر پانچ منٹ پکائیں اب کھانے کے دو چمچ کوکنگ آئل گرم کریں اس میں کٹی ہوئی پیاز اور ہری مرچ ڈالیں۔ یہاں تک کہ پیاز برائون ہو جائے پھر اس میں گوشت ڈالیں اور 2سے 3منٹ تک پکائیں۔ زیرہ، ادرک، لہسن اور چھوٹی الائچی کو پیس کر مرکب بنا لیں۔ اس مرکب کو اور لال مرچ، ہلدی اور دھنیا پریشر ککر میں ڈالیں پھر اس میں ایک کپ پانی ملائیں۔ حسب ذائقہ نمک بھی ڈالیں ان مصالحوں کو ہلکی آنچ پر 10منٹ تک پکائیں۔ اب ان مصالحوں میں گوشت بھی شامل کرلیں اور اچھی طرح سے مکس کریں( اگر آپ چاہیں تو مقوی بنانے کیلئے مٹر بھی ملا سکتے ہیں۔ پھر دوبارہ 5سے 10منٹ کیلئے پکائیں۔ لیجئے جناب سموسوں میں بھرنے کیلئے مزیدار مصالحہ تیار ہے۔
اب میدہ میں گھی کو ملائیں اور حسب ذائقہ نمک بھی شامل کر لیں، میدے کو نرم و ملائم بنانے کیلئے اگر ضرورت پڑے تو تھوڑا سا پانی بھی شامل کر لیں۔ اب اس کے چھوٹے چھوٹے پیڑے بنائیں۔ پھر ایک دائرے میں پیڑا بیلنا شروع کر دیں۔ ہر پیڑے کو دو حصوں میں تقسیم کریں ایک حصہ اٹھا کر کون کی طرح کی شکل میں بنائیں اور کناروں پر پانی لگا لیں اب قیمہ یا مرغی کے گوشت کا مرکب ایک چوتھائی حصہ بھر دیں۔ اس کے کناروں کو ہلکا سا گیلا کرکے انگلی سے دبا کر بند کر دیں۔ گرم تیل میں ڈال کر تل لیں یہاں تک کہ گہرے برائون ہو جائیں۔ اب انہیں پودینے کی چٹنی یا کیچپ کے ساتھ سروے کیجئے۔
سٹرابری ہنی سی
آج کل اسٹرابری کا موسم ہے اور یہ سستے داموں مارکیٹ میں دستیاب ہے۔ خوش رنگ اور خوش ذائقہ اسموتھی اسٹرابری رمضان المبارک کے لئے ایک بہترین ڈرنک ہے۔ اگر آپ غذائیت سے بھرپور کسی صحت مند غذا کے خواہشمند ہیں تو یہ مشروب خاص آپ کے لیے ہی ہے۔
اجزاء : اسٹرابری ایک کپ، لیمن جوس آدھا کپ، سوڈا واٹر آدھا کپ، کریم آدھا کپ، شہد ایک کھانے کا چمچ، برف حسب ضرورت
ترکیب : بلینڈر میں تازہ اسٹرابری، لیمن جوس اور سوڈا واٹر ڈال کر اس وقت تک گرائنڈ کریں جب تک وہ اچھی طرح یکجاں نہ ہو جائیں۔ پھر اس میں کریم اور شہد (حسب ذائقہ) شامل کریں۔
