بے وقت کی بھوک اور ڈائٹنگ

تحریر : تحریم نیازی


بہت سی لڑکیوں کو ہر وقت کچھ نا کچھ کھانے پینے اور منہ چلانے کی عادت ہوتی ہے، ایسی لڑکیاں اپنی بے وقت کی بھوک کو برداشت نہیں کر پاتیں اور اپنی ڈائٹنگ کو بالائے طاق رکھتے ہوئے کچھ نہ کچھ کھانے لگ جاتی ہیں۔

 جب ان لڑکیوں سے پوچھا جائے تو اکثر کا یہی جواب ہوتا ہے کہ ان سے ’’بھوک برداشت نہیں ہوتی‘‘ یہ لڑکیاں بے وقت کی بھوک کو مٹانے کیلئے فاسٹ فوڈ، فرنچ فرائز، سوفٹ ڈرنکس، چپس، نمکو اور میٹھے بیکری آئٹمز وغیرہ کھاتی ہوئی دکھائی دیتی ہیں یہی وجہ ہے کہ ان سب چیزوں کا تھوڑا سا بھی استعمال ان کی ڈائٹنگ کو متاثر کر دیتا ہے اور ان کے جسم میں کولیسٹرول اور شوگر لیول کی مقدار کو بڑھا دیتا ہے۔ لڑکیوں کو بے وقت کی بھوک مٹانے اور ڈائٹنگ کو کامیابی سے جاری رکھنے کیلئے ماہرین نے کچھ ٹپس دی ہیں، آیئے وہ جانتے ہیں۔

ناشتہ ضرور کریں: فٹنس ایکسپرٹس کا لڑکیوں کو یہی مشورہ ہے کہ وہ ناشتہ ضرور کریں، کیونکہ صبح کے وقت متوازن ناشتہ آپ کو دوپہر تک بھوک کا احساس نہیں ہونے دیتا، آپ کو اپنا پیٹ بھرا ہوا محسوس ہوگا اور پھر آپ کو بے وقت کی بھوک مٹانے کیلئے فاسٹ فوڈ یا چپس وغیرہ کھانے کی ضرورت محسوس نہیں ہوگی۔ وہ لڑکیاں جو آفس جانے کیلئے دیر سے اٹھتی ہیں اور آفس جلدی پہنچنے کے چکر میں وہ ناشتہ چھوڑ کر آفس روانہ ہو جاتی ہیں، ایسی لڑکیوں کو چاہئے کہ وہ اپنی اس عادت کو ترک کر دیں۔ وقت سے قبل اٹھنے کی کوشش کریں تاکہ انہیں ناشتہ کرنے کا بھرپور موقع مل سکے۔

زیادہ پانی پئیں: لڑکیوں کو چاہئے کہ وہ دن بھر میں کم سے کم 2لیٹر پانی ضرور پئیں۔ جب وہ اتنا پانی پئیں گی تو انہیں اپنا پیٹ خالی نہیں لگے گا بلکہ انہیں بے وقت بھوک کا بھی احساس نہیں ہوگا، ساتھ ہی زیادہ پانی پینے سے جسم کے اندرونی اعضا بھی بہتر انداز میں کام کر پائیں گے۔ ڈائٹنگ کرنے والی لڑکیوں کو جب بھی بے وقت کی بھوک لگے تو انہیں چاہئے کہ وہ فاسٹ فوڈ، فرنچ فرائز یا چپس وغیرہ ہرگز نہ کھائیں، بلکہ کوشش کریں کہ اس وقت پانی پی لیں، اس سے انہیں اپنا پیٹ بھرا ہوا محسوس ہونے لگے گا۔ کھانا آہستہ آہستہ اچھی طرح چبا کر کھائیں،  اگر آپ روٹی نہیں سلاد کھا رہی ہیں، تب بھی کوشش کریں کہ اسے اچھی طرح چبائیں، کھانے کو آہستہ آہستہ اچھی طرح چبا کر کھائیں گی تو وہ معدے پر بوجھ نہیں بنے گا اور وہ جلدی ہضم ہو جائے گا۔ ساتھ ہی جب زیادہ دیر تک کھانا چبائیں گی تو نفسیاتی تسکین بھی ہو گی کہ آپ کے منہ میں کھانا ہے اور آپ کھانا کھا رہی ہیں،ایسے میں آپ کی بھوک بھی ختم ہو جائے گی اور آپ کو پیٹ بھر جانے کا احساس بھی ہونے لگے گا۔

ٹی وی دیکھتے ہوئے کچھ نہ کھائیں: اکثر لڑکیاں ڈائٹنگ پر ہوتی ہیں لیکن ان کی عادت ہوتی ہے کہ وہ ٹی وی دیکھتے ہوئے کچھ نہ کچھ ضرور کھانے لگتی ہیں۔ یاد رکھیں جو لڑکیاں ٹی وی دیکھتے ہوئے مختلف چیزیں کھانے کی عادی ہیںان کا وزن تیزی سے بڑھنے لگتا ہے۔ لڑکیوں کو پتا بھی نہیں چلتا اور وہ زائد کیلوریز پر مشتمل چیزیں ایک ہی وقت میں بیٹھ کر کھا رہی ہوتی ہیں۔ یوں ڈائٹنگ کرنے کے باوجود وہ لڑکیاں وزن کم کرنے میں ناکام ہوتی دکھائی دیتی ہیں۔ اگر کسی کو اپنے کولیسٹرول لیول پر کنٹرول کرنا ہے یا ڈائٹنگ کا اچھا نتیجہ حاصل کرنا ہے تو اسے چاہئے کہ وہ ٹی وی دیکھتے ہوئے کچھ کھانے کی عادت کو ختم کر لیں۔

چھوٹے برتن کا استعمال: اپنے کھانے کو کسی چھوٹے پیالے یا پلیٹ میں نکالیں اور پھر کھائیں۔ اس طرح آپ جب اس پیالے کو خالی کر لیں گی تو آپ کو احساس ہوگا کہ آپ نے پورا کھانا کھا لیا ہے۔ یوں آپ ڈائٹنگ کی صورت میں زائد کھانا کھانے سے بچی رہیں گی، ساتھ ہی آپ کو یہ احساس بھی ہوگا کہ آپ نے پورا کھانا کھا لیا ہے اور آپ کا پیٹ بھر گیا ہے۔ پروٹین اور فائبر کا استعمال ناشتے اور کھانے کے وقت پروٹین اور فائبر پر مشتمل غذائوں کا استعمال کریں، تاکہ نظام انہضام کا عمل سست ہو جائے اور آپ کو پیٹ بھرا ہوا سا محسوس ہو۔ اس طرح آپ کو بے وقت کی بھوک نہیں لگے گی۔

کیا کھایا جائے:ایک پیالہ بند/ پھول گوبھی میش کرکے کھائیں گی تو آپ کو اس سے 5گرام فائبر آسانی سے مل جائے گا۔ مٹر کھائیں، ایک کپ دال کا سوپ بنالیں،اس سے بھی آپ کو پروٹین اور فائبر ملیں گے۔ ایک کپ بروکلی، رس بیری، امرود، کدو، کیلے کھائیں، اگر کچھ میٹھا کھانے کا دل کر رہا ہے تو منٹ آئس کریم یا منٹ فلیور کا کوئی میٹھا کھالیں۔ جب بھی بے وقت بھوک لگے تو آدھے کپ تک انجیر کھا لیں۔ انجیر دوپہر کے وقت اگر کھا لی جائے تو وہ لنچ کا ہی کام دے گی۔ آدھا کپ انار کھالیں، اس سے بھی مناسب مقدار میں فائبر ملے گا اور آپ کو بے وقت بھوک کا احساس نہیں ہوگا۔ ناشتے یا دوپہر اور رات کے کھانے میں ایک کپ جو کا دلیہ استعمال کریں، یہ خون میں موجود شوگر لیول کو برقرار رکھنے میں بھی مدد گار ثابت ہوگا۔ کیلا کھائیں، اس کے اوپر جائیں تو ڈارک چاکلیٹ چھڑک دیں، امریکن کیمیکل سوسائٹی کی جانب سے جاری کردہ رپورٹ کے مطابق ڈارک چاکلیٹ میں اینٹی اوکسیڈینٹس اور فائبر موجود ہوتا ہے، جو کہ معدے کی سوزش میں کمی لاتا ہے۔ اس کے علاوہ چقندر، پاپ کورن، بھنے ہوئے چنے، گریپ فروٹ، شکر قندی، ناشپاتی، ایوا کاڈو، پھلیاں، لوبیا، بادام، سیب، السی کے بیچ، گاجر کو بھی بے وقت کی بھوک کو مٹانے کیلئے استعمال کیا جا سکتا ہے۔ ان تمام چیزوں سے ایک ڈائٹ پلان تیار کر لیں اور اسے استعمال کریں، وزن بھی کم ہو گا، کولیسٹرول لیول بھی کنٹرول میں رہے گا اور ساتھ ہی بے وقت کی بھوک بھی نہیں لگے گی۔

 

 

روزنامہ دنیا ایپ انسٹال کریں

9مئی سے متعلق اعتراف کتنا مہنگا پڑے گا؟

پاکستان تحریک انصاف کے گرد گھیرا تنگ ہونے لگا ہے۔ پی ٹی آئی بھی اپنی مشکلات میں خود اضافہ کرنے میں کوئی کسر نہیں چھوڑ رہی ۔ حکومت کی جانب سے تحریک انصاف پر پابندی کے فیصلے اور پی ٹی آئی قیادت پر آرٹیکل 6 لگانے کا اعلان کیا گیا تو بانی پی ٹی آئی نے بیان داغ کر حکومتی پلان کیلئے سیاست کی حد تک آسانی پیدا کردی مگر سیاسی جماعت پر پابندی موجودہ صورتحال میں حکومت کیلئے آسان کام نہیں۔

پاکستان کا سیاسی بحران اور مفاہمت کی سیاست

پاکستان کا سیاسی بحران بڑھ رہا ہے ۔ حکومت، مقتدرہ اور تحریک انصاف کے درمیان ماحول میں کافی تلخی پائی جاتی ہے ۔ پی ٹی آئی پر بطور جماعت پابندی لگانے اور بانی پی ٹی آئی ‘ سابق صدر ڈاکٹر عارف علوی اور سابق ڈپٹی سپیکر قومی اسمبلی قاسم سوری پر غداری کا مقدمہ چلانے کی باتیں کی جارہی ہیں ۔

کیا سندھ حکومت پنجاب کی کارکردگی سے خوفزدہ ہے ؟

کیا سندھ حکومت پنجاب حکومت کی کارکردگی سے خوفزدہ ہے اور حال ہی میں سندھ حکومت نے نئے ترجمانوں کا جو اضافہ کیا ہے کیا یہ اسی خوف کا نتیجہ ہے؟ بظاہر مریم نواز ملک کے سب سے بڑے صوبے کو چلانے اور نت نئے طریقوں سے اپنی حکومت کی کارکردگی دنیا کے سامنے لانے میں مصروف دکھائی دیتی ہیں،اگلے روز پنجاب میں ایئر ایمبولینس بھی چلائی گئی ،

ترجیحات بدلنا ہوں گی !

یہ بات تاریخ میں یادرکھی جائے گی کہ جس وقت خیبرپختونخوا دہشت گردی کی بھٹی میں جل رہا تھا اس وقت صوبائی اسمبلی سے تمباکو ٹیکسز میں کمی کیلئے ترامیم منظور کروائی جارہی تھیں ۔

بلوچستان حکومت تبدیل ہو گی ؟

بلوچستان کے سیاسی میدان میں اقتدار کی تبدیلی کی افواہیں ایک بار پھر گردش کرنے لگی ہیں اور گورنر بلوچستان شیخ جعفر مندوخیل کے ایک حالیہ انٹر ویو سے یہ افواہیں مزید تقویت اختیار کرنے لگی ہیں۔ گورنر نے کہا ہے کہ مسلم لیگ (ن) اور پیپلز پارٹی کے درمیان شراکت ِاقتدار کا اڑھائی اڑھائی سالہ منصوبہ طے پایا ہے اور یہ حقیقت ہے کہ اڑھائی سال بعد بلوچستان میں وزارت اعلیٰ کا تاج مسلم لیگ (ن) کے سر سجے گا ۔

آزادکشمیر میں سستی بجلی!

آزاد جموں و کشمیر میں محکمہ برقیات نے گھریلو صارفین کیلئے جون کے مہینے کے بل بشمول ٹیکسز 6 روپے فی یونٹ جبکہ کمرشل صارفین کے بل 10 سے 15 روپے فی یونٹ کے حساب سے جاری کئے ہیں ۔