آلو کی کھیر
اجزا: صاف کیے ہوئے جھینگے آدھا کلو، پسا ہوا ادرک لہسن ایک کھانے کا چمچ، لیموں کا رس دو کھانے کے چمچ، ثابت کالا زیرہ آدھا چائے کا چمچ، پسی ہوئی ہلدی ایک چائے کا چمچ، پھینٹی ہوئی دہی آدھی پیالی، پسا ہوا گرم مصالحہ آدھا چائے کا چمچ، ہری مرچیں دس عدد، ہرا دھنیا چوتھائی پیالی، خشخاش ایک کھانے کا چمچ، خربوزے کے بیچ ایک کھانے کا چمچ، نمک ایک چائے کا چمچ، تیل آدھی پیالی، گاجر اور ہری مرچ سجانے کیلئے۔
ترکیب: ہری مرچ اور ہرے دھنیے کو ملا کر پیس لیں۔ خشخاش اور خربوزے کے بیج بھونیں اور تھوڑے سے پانی کے ساتھ پیس لیں۔ دیگچی میں تیل گرم کر کے پیاز سنہری کریں۔ اس میں لہسن ادرک، ہری مرچ کا آمیزہ، خشخاش کا آمیزہ، زیرہ، ہلدی، دہی اور نمک ڈال کر تیل اوپر آنے تک بھونیں۔ اس میں جھینگے ملا کر دم پر رکھ دیں۔ جھینگوں میں گرم مصالحہ اور لیموں کا رس ملا کر ڈش میں نکال لیں۔ اسے گاجر اور ہری مرچ سے سجا دیں۔
اجزا: آلو 250گرام، چینی آدھا کلو، پستہ دس دانے، کیوڑہ چند قطرے،دود دو سیر، گری بادام 12 عدد، الائچی سبز سات عدد۔
ترکیب: آلو چھیل کر کدوکش کر لیں۔ دیگچی میں دودھ گرم کرلیں۔ دودھ میں جوش آنے پر آلوؤں کا کدوکش ڈال دیں۔ دس پندرہ منٹوں بعد آلو گل جائیں گے تو اس گاڑھے محلول میں کترے ہوئے بادام، پستہ، الائچی کے پسے ہوئے دانے ڈال دیں۔ ساتھ ہی چینی بھی شامل کرلیں۔ چولہے میں آگ بہت ہلکی رکھیں دھیمی آنچ پر چینی کو محلول میں گاڑھا ہو کر جذب ہونے دیں۔ اسی اثنا میں چمچ برابر چلاتی رہیں۔ آلو گل کر دودھ میں حل ہو جائیں گے اور پانی خشک ہو جائے گا اور سب اشیا کھیر کی شکل اختیار کر لیں گی۔ تو پھر ان میں کیوڑہ کے چند قطرے ڈال کر چند منٹوں کے لیے دم دیں۔ پھر کھیر کو پلیٹوں میں ڈال دیں۔
