ذرامسکرائیے
![](https://dunya.com.pk/news/ahwalesiyasat_or_mimbromahrab/img/4517_85604007.jpg)
ریحان:’’تمہاری تعلیم کتنی ہے‘‘؟ فواد:’’ایم بی بی ایف‘‘ ریحان(حیرت سے): ’’یہ کونسی ڈگری ہے‘‘؟فواد: ’’ارے بیوقوف! میرا مطلب ہے میٹرک بار بار فیل‘‘٭٭٭
ایک صاحب اپنا گدھا فروخت کرنا چاہتے تھے۔ انہوں نے سنا کہ ان کے دوست کو ایک گدھے کی ضرورت ہے تو اپنے دوست کو خط لکھ ڈالا۔ خط کی تحریر کچھ یوں تھی،’’تمہیں اچھے گدھے کی ضرورت ہو تو مجھے یاد کر لینا‘‘
٭٭٭
باپ (بیٹی سے): ’’ذرا بتائو تو، مرچوں میں کونسا وٹامن پایا جاتا ہے‘‘؟
بیٹی: ’’مرچوں میں وٹامن سی پایا جاتا ہے‘‘
باپ: ’’وہ کیسے‘‘؟
بیٹی: ’’کیونکہ جب ہم مرچیں کھاتے ہیں تو سی سی کرتے ہیں‘‘
٭٭٭
کلاس ٹیچر:’’تم میری کلاس میں نہیں سو سکتے‘‘۔
طالب علم: ’’سو سکتا ہوں سر، اگر آپ زور سے نہ بولیں‘‘۔
٭٭٭
’’تم نے کار کیوں چوری کی؟‘‘ جج نے ملزم سے پوچھا
ملزم:’’جنابَ!کار قبرستان میں کھڑی تھی، میں نے سوچا شاید اس کے مالک کا انتقال ہو گیا ہے‘‘۔
٭٭٭