پیار سے رہیے ، محبت کیجیے
پیار سے رہیے ، محبت کیجیے،اس جہاں سے ختم نفرت کیجیے
کیجیے چھوٹوں سے شفقت کیجیے
جو بڑے ہیں اُن کی عزت کیجیے
خوب کیجیے علم حاصل اور پھر
عام دنیا میں یہ دولت کیجیے
روشنی پھیلائیے کردار کی
آپ ہر دل پر حکومت کیجیے
سر زمینِ پاک امانت رب کی ہے
ہر طرح اس کی حفاظت کیجیے
مانیے ماں باپ کے احکام کو
اپنے اُستادوں کی خدمت کیجیے
ساتھ رہیے نیک لوگوں کے ضیاء
ہر بُرائی کی مذمت کیجیے
(ضیاء الحسن ضیاء)
روزنامہ دنیا ایپ انسٹال کریں
