سکھر ایئرپورٹ پر فلائٹ آپریشن کا نیا شیڈول جاری
کراچی:(دنیا نیوز)سی اے اے نے سکھر ایئرپورٹ پر فلائٹ آپریشن کا نیا شیڈول جاری کردیا۔
ذرائع کے مطابق موسم سرما کے تین ماہ کے لیے فلائٹ آپریشن کا شیڈول تبدیل کیا گیا ہے، سکھر ایئرپورٹ پر شیڈول کا اطلاق نومبر تا 9 فروری 2025 تک ہوگا۔
سی اے اے کا کہنا ہے کہ موسم سرما کے دوران سکھر ایئرپورٹ پر روزانہ صبح 9 سے رات 9 بجے تک فلائٹ آپریشن ہوگا، نوٹم نان شیڈول فلائٹس کوسکھر ایئرپورٹ پرلینڈنگ کے لیے 24 گھنٹے قبل لازمی اطلاع دینا ہوگی۔
دوسری جانب سی اے اے نے سکھر ایئرپورٹ پر موسم سرما کے نئے فلائٹ شیڈول کا نوٹم جاری کرکے تمام ایئرلائنز کو آگاہ کردیا۔
