یوٹیوب کا ویڈیو ایڈیٹنگ ایپ متعارف کرانے کا اعلان
کیلیفورنیا: (ویب ڈیسک) یوٹیوب نے ویڈیوز ایڈیٹنگ کیلئے Youtube Create کے نام سے اپنی نئی ایپ لانچ کرنے کا اعلان کر دیا ہے۔
عالمی میڈیا رپورٹس کے مطابق ٹک ٹاک سے مقابلہ کرنے کیلئے یوٹیوب نے اپنی پہلی ویڈیو ایڈیٹنگ ایپ youtube create کو متعارف کرایا ہے جو یوٹیوب شارٹس اور عام ویڈیوز کی ایڈیٹنگ کو سپورٹ کرتا ہے۔
introducing YouTube Create
— TeamYouTube (@TeamYouTube) September 21, 2023
a new easy-to-use editing app that helps you make high-quality vids & can publish to YouTube
now in *beta* in 8 countries on Android
we want your feedback
download in Play Store: https://t.co/eV3LZP8N2b
more info: https://t.co/HnbJhl8oR7 pic.twitter.com/1tCyKAYvtu
ایپ میں متعدد خصوصیات ہیں جن میں ایڈیٹنگ، آٹو کیپشننگ، وائس اوور کی صلاحیتیں اور بیٹ میچنگ ٹیکنالوجی کے ساتھ فلٹرز، افیکٹس، ٹرانزیشن اور رائلٹی فری میوزک کی لائبریری تک رسائی شامل ہے، ایپ کا مقصد ہے کہ صارفین کو اپنی یوٹیوب ویڈیوز کیلئے پیچیدہ ایڈیٹنگ سافٹ ویئرز یا ٹولز پر انحصار نہ کرنا پڑے۔
مذکورہ بالا ایپ جلد ہی محدود مارکیٹوں میں دستیاب ہوگی جس میں امریکہ، برطانیہ، جرمنی، فرانس، انڈونیشیا، بھارت، جنوبی کوریا اور سنگاپور شامل ہیں، ایپ بیٹا ورژن میں ہوگی جس کا مقصد ایپ کو بہتر بنانے کیلئے کمنٹس اور صارفین کے تاثرات کا جائزہ لینا ہے، ایپ تمام صارفین کیلئے مفت ہے۔
