ٹی 20 ورلڈ کپ کے لیے قومی ٹیم کا اعلان آج ہوگا
لاہور: (دنیا نیوز) آئی سی سی ٹی 20 ورلڈ کپ 2024 کے لیے قومی ٹیم کا اعلان آج ہوگا، بابر اعظم قومی ٹیم کی قیادت کریں گے۔
فاسٹ باؤلر حارث رؤف مکمل فٹ ہوگئے ہیں، اب وہ ورلڈ کپ سکواڈ کا حصہ ہوں گے، آئرلینڈ کے خلاف پہلے ٹی 20 کے بعد ٹیم سے ڈراپ کیے جانے والے شاداب خان بھی ٹیم کا حصہ ہوں گے۔
رپورٹس کے مطابق قومی ٹیم میں پانچ فاسٹ باؤلر، تین وکٹ کیپرز اور چار آل راؤنڈر ہوں گے جبکہ پاکستانی سکواڈ کے 15 کھلاڑیوں کے علاوہ سلمان علی اور عرفان نیازی ٹریول ریزرو کے طور پر امریکا جائیں گے۔
