کراچی میں کارروائی، 2 بین الصوبائی منشیات فروش گرفتار
کراچی: (ویب ڈیسک) ایکسائز نارکوٹکس کنٹرول کی ٹیم نے کورنگی کے علاقے سے دو بین الصوبائی منشیات فروشوں کو کامیابی سے گرفتار کرلیا۔
آپریشن کے نتیجے میں صفدر علی اور زبیر خان کو حراست میں لیا گیا، چھاپے کے دوران، ٹیم نے ملزموں کے قبضے سے 485 گرام اعلیٰ قسم کے آئس کرسٹل اور 7000 گرام چرس برآمد کر لی، آپریشن جنوبی ٹیم کی طرف سے اکٹھی کی گئی انٹیلی جنس کی بنیاد پر کیا گیا۔
ایک اور الگ کیس میں ضلع شہداد کوٹ کے ایکسائز اینڈ نارکوٹکس تھانے نے بھی کارروائی کرتے ہوئے 70 کلو مین پوری گٹکا اور 400 گرام چرس قبضے میں لے لی، جبکہ میر حسن ڈومکی نامی ایک شخص کو گرفتار کرکے ایک لوڈر رکشہ ضبط کر لیا۔
