گھی و کوکنگ آئل کی قیمتوں میں ہوشربا اضافہ
لاہور: (دنیا نیوز) مختلف کمپنیوں اور برانڈز کی جانب سے گھی و کوکنگ آئل کے دام بڑھا دیئے گئے۔
درجہ دوم 12 کلو گھی کا پیک 67 روپے مہنگا ہو گیا، 12 کلوگرام درجہ دوم گھی کا پیک 5837 روپے کا کر دیا گیا ہے۔
1 کلو درجہ دوم گھی 500 روپے فی کلو میں فروخت ہونے لگا، 12 لٹر آئل کا پیک 50 روپے اضافہ کے ساتھ 5960 روپے کا ہوگیا۔
ایک لٹر آئل ہول سیل مارکیٹ میں 497 روپے تک جبکہ پرچون بازاروں میں 505 سے 510 روپے لٹر تک بک رہا ہے۔
