امیر کویت نے عریبین گلف کپ فٹبال چیمپئن شپ ’خلیج زین 26‘ ٹورنامنٹ کا افتتاح کر دیا
کویت سٹی: (ویب ڈیسک) امیر کویت شیخ مشعل الاحمد الجابر الصباح نے عریبین گلف کپ فٹبال چیمپئن شپ’خلیج زین 26‘ ٹورنامنٹ کا افتتاح کر دیا۔
میڈیا رپورٹ کے مطابق امیر کویت شیخ مشعل الاحمد الجابر الصباح نے اپنے خطاب میں کہا کہ آپ سب کو امن و محبت کی سرزمین کویت میں خوش آمدید کہتے ہیں، ہم 26 ویں عربین گلف ٹورنامنٹ کا آغاز کر رہے ہیں، باقاعدہ افتتاح کے بعد ٹورنامنٹ کے شریک ممالک کے پرچموں کی نمائش کی گئی جن کی تعداد 8 ہے بعدازاں بڑی سکرینز پر 1970 سے ہونے والے میچز کی جھلکیاں دکھائی گئیں۔
واضح رہے ٹورنامنٹ جابرالاحمد انٹرنیشنل فٹبال سٹیڈیم میں ہو رہا ہے، اس موقع پر انٹرنیشنل فیڈریشن آف فٹبال ایسوسی ایشن کے صدر اور سعودی فٹبال ایسوسی ایشن کے صدر یاسر المسحل بھی موجود تھے۔
