ترکیہ کی داعش نیٹ ورک کیخلاف بڑے پیمانے پر کارروائی، 357 مشتبہ دہشتگرد گرفتار
استنبول: (دنیا نیوز) ترکیہ نے داعش نیٹ ورک کے خلاف بڑے پیمانے پر کارروائی کی۔
12 صوبوں میں آپریشنز کیا گیا، 357 مشتبہ دہشت گرد گرفتار کر لئے گئے، گزشتہ روز بھی یالووا میں آپریشن کے دوران 3 پولیس اہلکار شہید اور 6 داعش کے ارکان ہلاک ہوئے تھے، ترک وزیر داخلہ نے کہا کہ ترک پولیس نے ملک کو دہشت گردی سے بچالیا،دہشت گردی کے راستے پر چلنے والوں کو کبھی موقع نہیں دیا جائے گا۔
ترک حکام نے کہا گزشتہ دنوں حملوں کی منصوبہ بندی کرنے والے 137 مشتبہ دہشتگرد گرفتار کئے، شامی سرحد پر داعش کی سرگرمیوں کے پیش نظر سخت اقدامات کئے ہیں، ملکی سلامتی اور عوامی تحفظ کیلئے سکیورٹی اداروں کی کارروائیاں جاری رہیں گی۔
