سابق آسٹریلوی کرکٹر ڈیمین مارٹن ہسپتال سے ڈسچارج
کینبرا: (دنیا نیوز) سابق آسٹریلوی کرکٹر ڈیمین مارٹن کو ہسپتال سے ڈسچارج کردیا گیا۔
ڈیمین مارٹن کے قریبی دوست سابق کرکٹر ایڈم گلکرسٹ کا کہنا ہے کہ ڈیمین مارٹن کو ہسپتال سے ریلیز کردیا گیا ہے لیکن ان کی ریکوری کے لیے لمبا سفر ہے تاہم ڈیمین مارٹن گھر واپس آ گئے ہیں، فیملی نے میڈیکل سٹاف اور متعلقہ افراد کا شکریہ ادا کیا ہے۔
ذرائع کے مطابق 54 سالہ ڈیمین مارٹن برسبین میں دو ہفتے تک ہسپتال میں رہے جبکہ کرسمس ڈے پر گردن توڑ بخار کی وجہ سے ان کی حالت تشویشناک ہوگئی تھی، بعدازاں ڈیمین مارٹن کوما میں چلے گئے تھے اور آئی سی یو میں زیرِ علاج تھے۔
یاد رہے کہ ڈیمین مارٹن نے 67 ٹیسٹ، 208 ون ڈے اور 4 ٹی ٹوئنٹی میچز میں آسٹریلیا کی نمائندگی کی ہے۔
