وزیراعظم شہباز شریف ڈیووس کا دورہ مکمل کر کے لندن پہنچ گئے
لندن: (دنیا نیوز) وزیراعظم شہباز شریف ڈیووس کا دورہ مکمل کر کے لندن پہنچ گئے۔
وزیراعظم عالمی اقتصادی فورم کے سالانہ اجلاس میں شرکت کے بعد لندن پہنچے، ان کے طیارے نے لوٹن کے ایئرپورٹ پر لینڈ کیا۔
وزیراعظم شہباز شریف کا استقبال کرنے والوں میں ہائی کمشنر ڈاکٹر محمد فیصل، ڈپٹی ہائی کمشنر حسیب بن عزیز، او پی ایف کے چئیرمین سید قمر رضا شامل تھے۔
ایئرپورٹ پر مسلم لیگ ن کے صدر احسن ڈار کے علاوہ خرم بٹ بھی شامل تھے۔
وزیراعظم شہباز شریف تین دن لندن میں قیام کریں گے، لندن میں شہباز شریف اپنا میڈیکل چیک اپ کروائیں گے اور چند اہم ملاقاتیں بھی کریں گے۔
