صدر مملکت آصف زرداری سے وزیراعلیٰ و گورنر سندھ کی ملاقات، ترقیاتی منصوبوں پر تبادلہ خیال
کراچی: (دنیا نیوز) صدرِ مملکت آصف علی زرداری سے وزیراعلیٰ سندھ سید مراد علی شاہ اور گورنر سندھ نہال ہاشمی نے بلاول ہاؤس کراچی میں ملاقات کی۔
ملاقات میں مجموعی سیاسی صورتحال، خصوصاً سندھ کے ترقیاتی منصوبوں اور بہتر سماجی خدمات کے حصول سے متعلق امور پر تبادلۂ خیال کیا گیا۔
صدرِ مملکت نے صوبے میں مؤثر طرزِ حکمرانی اور عوامی فلاح کو یقینی بنانے کی ضرورت پر زور دیا۔
— PPP (@MediaCellPPP) April 21, 2026
آصف علی زرداری نے ہدایت کی کہ صوبے میں حکومت، سماجی، سیاسی اور کاروباری حلقوں کے ساتھ مؤثر اشتراکِ عمل کو فروغ دیا جائے۔
صدر مملکت نے کہا کہ قومی اور صوبائی سطح پر ہم آہنگی کے فروغ اور عوامی خدمت کے عمل کو مزید مؤثر بنایا جائے۔
