پی ٹی آئی نے گلگت بلتستان انتخابات 2026ء سے متعلق اہم سرکلر جاری کر دیا
گلگت: (دنیا نیوز) پاکستان تحریک انصاف (پی ٹی آئی) نے گلگت بلتستان انتخابات 2026ء میں پارٹی ڈسپلن برقرار رکھنے کیلئے اہم سرکلر جاری کر دیا۔
جاری سرکلر کے مطابق تمام عہدیدار اور ورکرز صرف پارٹی کے نامزد امیدواروں کی حمایت کے پابند ہوں گے، پارٹی فیصلے کے خلاف کسی دوسرے امیدوار کی مہم چلانے والوں کے خلاف سخت کارروائی ہوگی۔
پی ٹی آئی کی جانب سے جاری سرکلر میں مزید کہا گیا ہے کہ پارٹی ڈسپلن کی خلاف ورزی پر رکنیت کی منسوخی اور عہدوں سے برطرفی کی جا سکتی ہے۔
صدر پی ٹی آئی گلگلت بلتستان خالد خورشید نے کہا کہ تمام ممبران اجتماعی مفاد اور پارٹی اتحاد کو برقرار رکھنے کیلئے پرعزم رہیں، پارٹی ڈسپلن کی خلاف ورزی کو تنظیم کے خلاف سنگین جرم تصور کیا جائے گا۔
