کرم : نامعلوم افراد کا شادی تقریب میں دستی بم سے حملہ ، 14افراد زخمی
کرم :(دنیانیوز) شادی تقریب میں نامعلوم افراد کے دستی بم سے حملے میں14افراد زخمی ہو گئے۔
ذرائع کے مطابق صوبہ خیبر پختونخوا میں واقعہ کرم صدہ کے علاقے میں پیش آیا جہاں رات گئے شادی کی تقریب جاری تھی کہ نامعلوم افراد نے ہینڈ گرنیڈ پھینک دیا، ہیڈ گرنیڈ پھٹنے سے شادی میں شریک 14افراد زخمی ہو گئے۔
اطلاع ملنے پر امدادی ٹیمیں موقع پر پہنچ گئیں جنہوں نے تمام زخمیوں کو سول ہسپتال میں منتقل کردیا، ڈاکٹر کا کہنا ہے کہ تمام زخمیوں کا علاج ومعالجہ جاری ہے ، زخمیوں کی حالت خطرے سے باہر بتائی جاتی ہے۔
