ننکانہ صاحب: کوسٹر اور مزدا میں تصادم، خاتون جاں بحق، 18 مسافر زخمی
ننکانہ صاحب: (دنیا نیوز) ننکانہ صاحب میں ٹریفک حادثے میں ایک خاتون جاں بحق، 6 خواتین سمیت 18 افراد زخمی ہوگئے۔
کوسٹر مسافروں کو ملتان سے سیالکوٹ لیکر جارہی تھی، موٹر وے ایم 3 ریسٹ ایریا کے قریب کوسٹر مزدا سے ٹکرا گئی، حادثہ تیز رفتاری کی وجہ سے پیش آیا، حادثے کی اطلاع پر پولیس اور امدادی ٹیمیں موقع پر پہنچ گئیں۔
ریسکیو حکام کے مطابق خاتون کی لاش اور زخمیوں کو ہسپتال منتقل کر دیا گیا، پولیس نے حادثے کی تحقیقات شروع کر دی۔
