مریم نواز کی کوئٹہ میں گورنر بلوچستان سے ملاقات، سیاسی صورتحال پر گفتگو
کوئٹہ: (دنیا نیوز) وزیر اعلیٰ پنجاب مریم نواز شریف کی گورنر ہاؤس کوئٹہ آمد، گورنر بلوچستان جعفرخان مندوخیل سے ملاقات کی۔
دونوں رہنماؤں نے ملاقات کے دوران امن و امان اور صوبے کی سیاسی صورتحال سمیت باہمی دلچسپی کے امور پر تبادلہ خیال کیا۔
ملاقات میں وزیر اعلیٰ بلوچستان سرفراز بگٹی، سپیکر بلوچستان اسمبلی عبدالخالق اچکزئی، صوبائی وزراء اور ممبران اسمبلی موجود تھے۔
پنجاب کی صوبائی وزراء مریم اورنگزیب، عظمیٰ بخاری اور چیف سیکرٹری زاہد اختر زمان بھی ملاقات میں موجود تھے۔
.jpg)
گورنر بلوچستان جعفر مندوخیل نے کہا کہ اس وقت وفاقی حکومت اور صوبوں کے درمیان خوشگوار تعلقات قائم ہیں۔
انہوں نے کہا کہ بین الصوبائی ہم آہنگی کے فروغ اور باہمی تعلقات کو مزید مضبوط اور مستحکم کرنے کیلئے ٹھوس اقدامات کی فوری ضرورت ہے۔
گورنر بلوچستان جعفر مندوخیل نے کوئٹہ کا دورہ کرنے پر وزیراعلیٰ پنجاب نواز شریف کا شکریہ ادا کیا۔
وزیراعلیٰ پنجاب مریم نواز نے کہا کہ مستقبل میں بھی گورنر بلوچستان سے رابطے میں رہیں گے، وزیر اعلیٰ پنجاب نے گورنر بلوچستان کو ہر ممکن تعاون فراہم کرنے کی یقین دہانی کرائی۔
دونوں رہنماؤں نے صوبوں کے درمیان تعلقات کو مزید خوشگوار بنانے اور عوامی رابطوں کے فروغ پر اتفاق کیا، گورنر بلوچستان نے وزیراعلیٰ پنجاب مریم نواز کو یادگاری شیلڈ اور روایتی قالین پیش کیا۔
