غزہ میں 70 ہزار شہادتوں پر خاموش رہنے والا جرمنی شرم کرے، عباس عراقچی
تہران: (ویب ڈیسک) جرمن چانسلر کے بیان پر سخت ردعمل دیتے ہوئے ایرانی وزیر خارجہ عباس عراقچی نے کہا ہے کہ غزہ میں 70 ہزار شہادتوں پر خاموش رہنے والا جرمنی شرم کرے۔
ایک بیان میں ایرانی وزیر خارجہ عباس عراقچی نے کہا کہ جرمن چانسلر وینزویلا کے صدر کے اغوا پر مسلسل خاموش رہے، برلن انسانی حقوق کے لیکچر کیلئے سب سے بدترین مقام ہے۔
واضح رہے کہ جرمن چانسلر فریڈرک مرز نے کہا تھا کہ ایرانی حکومت اپنے آخری دن گزار رہی ہے، ایران میں جمہوری حکومت کی پرامن منتقلی کیلئے امریکا دیگر یورپی حکومتوں کے ساتھ رابطے میں ہیں۔
اس کے علاوہ جرمن وزارت خارجہ نے کہا تھا کہ ایرانی حکومت مظاہروں کے دوران اپنے شہریوں کے خلاف تشدد ختم کرے، اپنے شہریوں پر تشدد حیران کن ہے۔
