رہنمائے گھر داری
پسا ہوالہسن خراب ہونے سے کیسے بچائیں؟اکثر خواتین یہ سوال کرتی پائی جاتی ہیں کہ اگر زیادہ لہسن پیس کر رکھا جائے تو وہ خراب ہونے لگتا ہے۔ اس کا حل یہ ہے کہ اگر آپ کو اندازہ ہو جائے کہ لہسن ضرورت سے زیادہ بچ گیا ہے جو کہ چند دنوں میں استعمال کر لینا ممکن نہیں ہے تو اسے آئس کیوب کی ٹرے میں جما لیں اور پھر ٹرے سے نکال کر ایئر ٹائٹ ڈبے یا موٹے گیج کے پلاسٹک بیگ میں فریز کر لیں۔
حسب ضرورت کیوبز نکالیں اور ہانڈی تیار کر لیں۔ لہسن پیس کر فریزر میں رکھنا ہو تو اس میں تھوڑا سا پانی، کوکنگ آئل ، نمک اور تھوڑا سا سفید سرکہ شامل کر لیا کریں، دیر تک خراب نہیں ہوتا۔ پسے ہوئے لہسن میں اسٹیل یا کسی بھی دھات کا بنا ہوا چمچہ نہ ڈالیں۔ پلاسٹک کا چمچ بہتر ہے۔
مہندی لگانے سے بال خشک ہوجاتے ہیں
وہ خواتین جو سر میں ہیئرکلر کے بجائے مہندی لگاتی ہیں میں یہ مسئلہ عام پایا جاتا ہے کہ مہندی لگانے کے بعد ان کے بال خشک ہونے لگتے ہیں۔ انہیں یہ مشورہ دینا چاہوں گی کہ وہ ہفتہ میں کم از کم دو مرتبہ سر کے بالوں میں ناریل، سرسوں یا دھوئے تلی کا تیل لگائیں۔ اگر رات کو سر میں تیل لگانے کی عادت ہے تو رات بھر یا پھر کم از کم آدھے گھنٹے کیلئے لگا رہنے دیں پھر شیمپو کریں۔ جب بھی بالوں میں مہندی لگائیں اس میں سرسوں کا تیل ملائیں۔ اکثر خواتین کا خیال ہوتا ہے کہ مہندی میں تیل ملانے سے رنگ نہیں آتا۔ اس میں کوئی حقیقت نہیں ہے۔ یا تو تیل لگے بالوں میں مہندی لگائیں یا پھر مہندی گھولتے وقت اس میں شامل کریں، رنگ بھی گہرا آئے گااور بال بھی خشک نہیں ہوں گے۔ کوشش کریں کہ خالص مہندی لگائیں بعض ڈبوں والی مہندی میں نقصاندہ اجزاء شامل ہوتے ہیں۔
