آج کا پکوان:گلاوٹی کباب
اجزا: گائے کا قیمہ:آدھا کلو،سبز الائچی:3،4،نمک: 1چائے کا چمچ یا حسب ذائقہ، ثابت کالی مرچ:8،10،پسی ہوئی لال مرچ:1 چائے کا چمچ، لونگ:4،ہلدی پائوڈر:
چوتھائی چائے کا چمچ، جائفل: 1،2، ادرک لہسن کا پیسٹ:1کھانے کا چمچ،جاوتری:3،4ٹکڑے،کچے پپیتے کا پیسٹ:2 چمچ، کالا زیرہ:آدھاچائے کا چمچ،تلی ہوئی پیاز :2عدد،سفید زیرہ:1چائے کا چمچ، دارچینی:1ٹکڑا، دہی (پانی نکال کر):2 چمچ،بھنے ہوئے چنے: 3چمچ، بادام: 6عدد، تلنے کیلئے تیل،کوئلہ (دھونی کیلئے)۔
ترکیب:قیمے میں نمک،لال مرچ،ہلدی،ادرک لہسن پیسٹ،کچا پپیتا ملا کر دو گھنٹے کیلئے فریج میں رکھ دیں۔تلی ہوئی پیاز اور دہی کو بلینڈ کرلیں ۔فرائی پین میں چنے،بادام، سبزالائچی،لونگ ،کالی مرچ،جائفل ،جاوتری ،کالا زیرہ اور سفید زیرہ بھونیں ، خوشبو آنے لگے تو چولہا بند کردیں۔تمام چیزوں کو گرائنڈر میں ڈال کر باریک پیس لیں۔چوپر میں میرینیٹ کیاہوا قیمہ ، دہی ،پیاز کا مکسچراور پسا ہوا خشک مصالحہ ڈال کراچھی طرح چوپ کرکے مکس کریں۔ایک باؤل میں نکال کر3 منٹ تک کوئلے کی دھونی دیں۔ہاتھوں کو تیل سے چکنا کر کے کباب بنالیں۔ فرائنگ پین میں تیل گرم کرکے ہلکی آنچ پر دونوں طرف سے گولڈن براؤن ہونے تک تلیں۔
فروٹ ٹرائفل
اجزا: پائن ایپل کیوبز میں کٹا ہوا:1 کپ،کیلے کٹے ہوئے:1 کپ،سٹرابری کٹی ہوئی:1 کپ،سادہ کیک:1 عدد، ریڈ جیلی، گرین جیلی:آدھا کپ، پائن ایپل سیرپ:1 کپ، چیری:1 کپ ، دودھ: 1 لٹر،ونیلاکسٹرڈ پاؤڈر:6چمچ، چینی:آدھاکپ۔
ترکیب:ایک کڑاہی میں دودھ، چینی ڈال کر اچھی طرح مکس کریں اور ابال لیں،اب چھوٹے پیالے میں ایک کپ دودھ اور ونیلا کسٹرڈ پاؤڈر ڈال کر اچھی طرح مکس کریں اور اسے کڑھائی میں آہستہ آہستہ ڈالتے جائیں اور اس وقت تک چمچ چلاتے رہے جب تک گاڑھا نہ ہوجائے۔اب چولہا بند کردیں اور کسٹرڈ کو ٹھنڈا ہونے دیں۔ایک پیالے میں پائن ایپل، کیلا،سٹرابری ڈال کر اچھی طرح مکس کریں اور پھر کیک کو کیوبز میں کاٹ کر ایک طرف رکھ دیں۔سرونگ ڈش میں کیک کے ٹکڑے، ریڈ جیلی، گرین جیلی، تیار کیا ہوا کسٹرڈ ڈال کر پھیلائیں پھر دوبارہ دوسری تہہ میں مکس فروٹ ڈال کر کسٹرڈ کی دوسری تہہ پھیلا دیں پھر جیلی، چیری اور کیک سے گارنش کریں اور سرو کریں۔
