آج کا دن
اسپیشل فیچر
پہلا نوبیل انعام
10دسمبر 1901ء کو سویڈن کے شہر سٹاک ہوم میں پہلی دفعہ 5کیٹیگریز میں نوبیل ایوارڈ دیا گیا۔سائنس دانوں ولہیلم رونٹگین، جیکبس وان ٹی ہوف اور جرمن مائیکرو بیالوجسٹ ایمیل وان بیہرنگ، ادبیات میں فرانسیسی شاعر سلی پرڈ ہوم، ریڈ کراس کے بانی سویڈش ہنری ڈونانٹ اور امن لیگ کے بانی فرانسز فریڈرک پیسی نے ایوارڈ حاصل کیا۔ نوبیل انعامات کی مالی اعانت اس فنڈ سے کی جاتی ہے جو بارود اور دیگر اعلیٰ دھماکہ خیز مواد کے سویڈش موجد الفریڈ نوبیل کی موت کے بعد بنایا گیا تھا۔
اپنی وصیت میں نوبیل نے ہدایت کی تھی کہ اس کی دولت کا بڑا حصہ ایک فنڈ میں رکھا جائے اور اس رقم پر حاصل ہونے والے انٹرسٹ سے سالانہ انعامات کی شکل میں ان لوگوں میں تقسیم کیا جائے جنہوں نے پچھلے سال کے دوران بنی نوع انسان کو سب سے زیادہ فائدہ پہنچایا ہو۔
پیرس معاہدہ
ریاستہائے متحدہ امریکہ اور سلطنت سپین کے درمیان10دسمبر1898ء کو ایک امن معاہدہ طے پایا، جسے1898ء کا پیرس معاہدہ کے نام سے بھی جانا جاتا ہے۔اس معاہدے کے مطابق امریکہ اور ہسپانیہ کی جنگ کا اختتام ہوا۔معاہدے کے مطابق سپین نے خودمختاری کے تمام دعوے ترک کر دئیے اور ان علاقوں سے دستبردار ہو گیا جن پر قبضے کا دعویٰ کر رہا تھا۔دستبردار ہونے والے جزائر میں پورٹوریکو اور دیر علاقے شامل تھے جو اب ویسٹ انڈیز میں سپین کے زیر انتظام موجو د ہیں۔ ماریاناس یا لاڈرونس میں گوام کے جزیرے، جزیرہ نما کے طور پر جانا جاتا ہے۔
معاہدے کی توثیق کے دستاویزات کا 11 اپریل 1899ء کو تبادلہ ہوا۔
جنوبی افریقی آئین
1996ء میں آج کے روز جنوبی افریقہ کے صدر نے ملک کے نئے آئین کی منظوری دی۔ جس کے تحت وہاں سفید فام لوگوں کی اجاراداری ختم ہوئی۔ یہ آئین جنوبی افریقہ کا سپریم قانون ہے جو جمہوریت کے وجود کیلئے قانونی بنیاد فراہم کرتا ہے۔اسے صدر نیلسن منڈیلا نے 18 دسمبر 1996 کو نافذ کیا۔ یہ اپنے شہریوں کے حقوق اور فرائض کا تعین کرتا ہے، اور حکومت کے ڈھانچے کی وضاحت کرتا ہے۔
انسانی حقوق کا عالمی قانون
10 دسمبر 1949ء کو اقوام متحدہ کی جنرل اسمبلی نے انسانی حقوق کے عالمی منشورکی توثیق کی۔ اسے عالمی سطح پر انسانی حقوق کا پہلا اعلان تعبیر کیا جاتا اور اقوامِ متحدہ کی ابتدائی بڑی کامیابیوں میں سے ایک شمار کیا جاتا ہے۔عموماً اس دن اعلیٰ سطحی سیاسی کانفرنسوں اور جلسوں کا انعقاد ہوتا ہے اور تقریبات کے ذریعے انسانی حقوق سے متعلقہ مسائل اجاگر کیے جاتے ہیں۔ روایتی طور پر 10 دسمبر ہی کو انسانی حقوق کے میدان میں اقوامِ متحدہ کا انعام اور نوبل امن انعام بھی دیا جاتا ہے۔
