پی ایس ایل:فزیکل ٹکٹوں کی فروخت کاکل سے آغاز
راولپنڈی(سپورٹس رپورٹر ) پاکستان سپر لیگ کے دسویں ایڈیشن کی فزیکل ٹکٹوں کی فروخت کل سے شروع ہو گی۔
پی ایس ایل کا افتتاحی میچ 11 اپریل کو اسلام آباد یونائیٹڈ اور لاہور قلندرز کے درمیان راولپنڈی سٹیڈیم میں کھیلا جائے گا۔ پی سی بی کے مطابق میگا ایونٹ کے فزیکل ٹکٹ کل سے نجی کوریئر سینٹرز پر دستیاب ہونگے ، راولپنڈی، کراچی، لاہور اور ملتان کے چاروں وینیوز کے عام ٹکٹ 650 روپے میں دستیاب ہونگے جبکہ افتتاحی میچ کے ٹکٹ 1000 روپے سے 8500 روپے تک دستیاب ہونگے ، ہر میچ کے دوران ایک ٹکٹ ریفل کا انعقاد بھی کیا جائے گا جس میں شائقین دلچسپ انعامات حاصل کر سکیں گے ۔
روزنامہ دنیا ایپ انسٹال کریں
