ویمنز ورلڈ کپ کوالیفائرز،وارم اپ میچ میں قومی ٹیم کی دوسری فتح
لاہور(سپورٹس ڈیسک )آئی سی سی ویمنز کرکٹ ورلڈ کپ کوالیفائرز میں پاکستان ویمنز ٹیم نے شاندار کارکردگی دکھاتے ہوئے ۔۔
ویسٹ انڈیز کے خلاف وارم اپ میچ میں مسلسل دوسری فتح سمیٹ لی۔ قذافی سٹیڈیم میں کھیلے گئے میچ میں قومی ویمنز ٹیم نے 46.1 اوورز میں 192 رنز بنا کر 5 وکٹوں سے فتح حاصل کی۔پاکستانی بیٹرز منیبہ علی اور نتالیہ پرویز نے ذمہ دارانہ بیٹنگ کرتے ہوئے بالترتیب 113 گیندوں پر 87 رنز اور 60 گیندوں پر 53 رنز بنائے ۔گل فیروزہ نے 55 گیندوں پر 28 رنز بنائے ۔اس سے قبل ویسٹ انڈیز نے 50 اوورز میں 8 وکٹوں کے نقصان پر 188 رنز بنائے تھے ۔ویسٹ انڈیز کی بیٹر شبیکا گجنابی 68 رنز بنا کر ناٹ آؤٹ رہیں۔جینا گلاسکو نے 41 رنز بنائے ۔پاکستان کی جانب سے سعدیہ اقبال نے 21 رنز دے کر 3 کھلاڑیوں جبکہ نشرہ سندھو نے 47 رنز دے کر 2 کھلاڑیوں کو آؤٹ کیا۔فاطمہ ثناء، ڈیانا بیگ اور رامین شمیم نے بالترتیب 35، 42 اور 24 رنز دے کر 1، 1 وکٹ حاصل کی۔علاوہ ازیں پاکستانی ٹیم آئی سی سی ویمنز کرکٹ ورلڈ کپ کوالیفائنگ راؤنڈ کا پہلا میچ کل آئرلینڈ کے خلاف کھیلے گی۔میچ ایل سی سی اے گراؤنڈ میں صبح ساڑھے 9بجے شروع ہوگا۔
