پاکستان سٹاک ایکسچینج کا اتار چڑھاؤ کے بعد مثبت زون میں اختتام
کراچی: (دنیا نیوز) پاکستان سٹاک ایکسچینج کا اتار چڑھاؤ کے بعد مثبت زون میں اختتام ہوا۔
کاروباری ہفتے کے دوسرے روز سٹاک ایکسچینج میں کاروبار کا آغاز منفی زون میں ہوا، 562 پوائنٹس کی کمی کے ساتھ انڈیکس ایک لاکھ 15 ہزار 877 پوائنٹس کی کم ترین سطح پر آ گیا۔
تاہم ٹریڈنگ کے دوران پاکستان سٹاک مارکیٹ میں اچانک تیزی دیکھنے میں آئی، 400 سے زائد پوائنٹس کے اضافے کے ساتھ ہنڈرڈ انڈیکس ایک لاکھ 16 ہزار 904 پوائنٹس کی حد کو چھو گیا۔
کاروباری دن کے اختتام پر 193 پوائنٹس کے اضافے کے ساتھ سٹاک ایکسچینج میں انڈیکس ایک لاکھ 16 ہزار 633 پوائنٹس کی سطح پر بند ہوا۔
واضح رہے کہ گزشتہ کاروباری دن کے اختتام پر پاکستان سٹاک ایکسچینج میں ہنڈرڈ انڈیکس 2002 پوائنٹس کی کمی کے ساتھ ایک لاکھ 16 ہزار 439 پوائنٹس کی سطح پر بند ہوا تھا۔
آج سٹاک مارکیٹ میں 26 کروڑ 80 لاکھ مالیت شیئرز کا کاروباری حجم 19 ارب روپے سے زائد رہا۔
