ٹی20 ورلڈ کپ کے فائنل کے آفیشلز کا اعلان
بارباڈوس: (ویب ڈیسک) انٹرنیشنل کرکٹ کونسل (آئی سی سی) نے ٹی ٹوئنٹی ورلڈ کپ فائنل کے آفیشلز کا اعلان کردیا۔
ٹی 20 ورلڈ کپ کا فائنل کل بھارت اور جنوبی افریقا کے درمیان بارباڈوس میں ہوگا۔
فائنل کے آن فیلڈ امپائرز رچرڈ النگورتھ اور کرس گفانے ہوں گے جبکہ رچی رچرڈسن آئی سی سی میچ ریفری مقرر کیے گئے ہیں۔
رچرڈ کیٹلبرو بارباڈوس میں ہونے والے معرکے میں ٹی وی امپائر ہوں گے، روڈ ٹکر کو ورلڈ کپ فائنل کا فورتھ امپائر مقرر کیا گیا ہے۔
